اكو واحد من اهل الله لايقرا ولايكتب يسكن بالاهوار مال الجنوب انفتحت مدرسه قريبه على بيته ركب على المطي ماله وراح للمدرسه يسال شنو هاي البنايه الجديده وشتشتغل من وصل للباب شاف الحارس كاله شنو يعني مدرسه اخينه بالله هم فطير من اهل الله كاله هاي المدرسه من تخلي هذا المطي مالك بيهه يصير ادمي راد يقربله المعنى هذاك الرجال كاله خلي هذا المطي يمك وفد سنه اجي اشوفه شيصير الحارس اخذ المطي وماكال باطل لان فكر يستفيد منه خلال هاي السنه وبعد سنه رجع الرجال يسال عن المطي ماله اللي يسمي سلوم شاف الحارس منقول وجاي غيره فساله عله سلوم شخباره كاله ستاد سلوم المدير صاحبنه كال يارحمتك ياربي لعام جان مطي وهسه صار مديرالمهم دخل عله المدير سلم عليه سلام حاروكاله شلونك شلون احوالك المدير كاله انه بخير بس انته تعرفني كاله شلون مااعرفك ياما وكلتك بيدي هاي جت وخبز يابس المدير كام رفسه وكله اطلع بره صاحبنه كال ايباخ كلشي بيك تغير بس الزكطه هيه هيه